‎1 ‏וַֽיְהִי־אִ֥ישׁ מֵֽהַר־אֶפְרָ֖יִם וּשְׁמ֥וֹ מִיכָֽיְהוּ׃

‎2 ‏וַיֹּ֣אמֶר לְאִמּ֡וֹ אֶלֶף֩ וּמֵאָ֨ה הַכֶּ֜סֶף אֲשֶׁ֣ר לֻֽקַּֽח־לָ֗ךְ ואתי וְאַ֤תְּ אָלִית֙ וְגַם֙ אָמַ֣רְתְּ בְּאָזְנַ֔י הִנֵּֽה־הַכֶּ֥סֶף אִתִּ֖י אֲנִ֣י לְקַחְתִּ֑יו וַתֹּ֣אמֶר אִמּ֔וֹ בָּר֥וּךְ בְּנִ֖י לַיהוָֽה׃

‎3 ‏וַיָּ֛שֶׁב אֶת־אֶֽלֶף־וּמֵאָ֥ה הַכֶּ֖סֶף לְאִמּ֑וֹ וַתֹּ֣אמֶר אִמּ֡וֹ הַקְדֵּ֣שׁ הִקְדַּ֣שְׁתִּי אֶת־הַכֶּסֶף֩ לַיהוָ֨ה מִיָּדִ֜י לִבְנִ֗י לַֽעֲשׂוֹת֙ פֶּ֣סֶל וּמַסֵּכָ֔ה וְעַתָּ֖ה אֲשִׁיבֶ֥נּוּ לָֽךְ׃

‎4 ‏וַיָּ֥שֶׁב אֶת־הַכֶּ֖סֶף לְאִמּ֑וֹ וַתִּקַּ֣ח אִמּוֹ֩ מָאתַ֨יִם כֶּ֜סֶף וַתִּתְּנֵ֣הוּ לַצּוֹרֵ֗ף וַֽיַּעֲשֵׂ֙הוּ֙ פֶּ֣סֶל וּמַסֵּכָ֔ה וַיְהִ֖י בְּבֵ֥ית מִיכָֽיְהוּ׃

‎5 ‏וְהָאִ֣ישׁ מִיכָ֔ה ל֖וֹ בֵּ֣ית אֱלֹהִ֑ים וַיַּ֤עַשׂ אֵפוֹד֙ וּתְרָפִ֔ים וַיְמַלֵּ֗א אֶת־יַ֤ד אַחַד֙ מִבָּנָ֔יו וַיְהִי־ל֖וֹ לְכֹהֵֽן׃

‎6 ‏בַּיָּמִ֣ים הָהֵ֔ם אֵ֥ין מֶ֖לֶךְ בְּיִשְׂרָאֵ֑ל אִ֛ישׁ הַיָּשָׁ֥ר בְּעֵינָ֖יו יַעֲשֶֽׂה׃ פ

‎7 ‏וַיְהִי־נַ֗עַר מִבֵּ֥ית לֶ֙חֶם֙ יְהוּדָ֔ה מִמִּשְׁפַּ֖חַת יְהוּדָ֑ה וְה֥וּא לֵוִ֖י וְה֥וּא גָֽר־שָֽׁם׃

‎8 ‏וַיֵּ֨לֶךְ הָאִ֜ישׁ מֵהָעִ֗יר מִבֵּ֥ית לֶ֙חֶם֙ יְהוּדָ֔ה לָג֖וּר בַּאֲשֶׁ֣ר יִמְצָ֑א וַיָּבֹ֧א הַר־אֶפְרַ֛יִם עַד־בֵּ֥ית מִיכָ֖ה לַעֲשׂ֥וֹת דַּרְכּֽוֹ׃

‎9 ‏וַיֹּאמֶר־ל֥וֹ מִיכָ֖ה מֵאַ֣יִן תָּב֑וֹא וַיֹּ֨אמֶר אֵלָ֜יו לֵוִ֣י אָנֹ֗כִי מִבֵּ֥ית לֶ֙חֶם֙ יְהוּדָ֔ה וְאָנֹכִ֣י הֹלֵ֔ךְ לָג֖וּר בַּאֲשֶׁ֥ר אֶמְצָֽא׃

‎10 ‏וַיֹּאמֶר֩ ל֨וֹ מִיכָ֜ה שְׁבָ֣ה עִמָּדִ֗י וֶֽהְיֵה־לִי֮ לְאָ֣ב וּלְכֹהֵן֒ וְאָנֹכִ֨י אֶֽתֶּן־לְךָ֜ עֲשֶׂ֤רֶת כֶּ֙סֶף֙ לַיָּמִ֔ים וְעֵ֥רֶךְ בְּגָדִ֖ים וּמִחְיָתֶ֑ךָ וַיֵּ֖לֶךְ הַלֵּוִֽי׃

‎11 ‏וַיּ֥וֹאֶל הַלֵּוִ֖י לָשֶׁ֣בֶת אֶת־הָאִ֑ישׁ וַיְהִ֤י הַנַּ֙עַר֙ ל֔וֹ כְּאַחַ֖ד מִבָּנָֽיו׃

‎12 ‏וַיְמַלֵּ֤א מִיכָה֙ אֶת־יַ֣ד הַלֵּוִ֔י וַיְהִי־ל֥וֹ הַנַּ֖עַר לְכֹהֵ֑ן וַיְהִ֖י בְּבֵ֥ית מִיכָֽה׃

‎13 ‏וַיֹּ֣אמֶר מִיכָ֔ה עַתָּ֣ה יָדַ֔עְתִּי כִּֽי־יֵיטִ֥יב יְהוָ֖ה לִ֑י כִּ֧י הָיָה־לִ֛י הַלֵּוִ֖י לְכֹהֵֽן׃

1 wayəhî-’îš mēhar-’efərāyim ûšəmwō mîḵāyəhû:

2 wayyō’mer lə’immwō ’elef ûmē’â hakesef ’ăšer luqq^aḥ-lāḵə wə’atî wə’atə ’ālîṯ wəḡam ’āmarətə bə’āzənay hinnēh-hakesef ’itî ’ănî ləq^aḥətîw watō’mer ’immwō bārûḵə bənî layhwâ:

3 wayyāšeḇ ’eṯ-’elef-ûmē’â hakesef lə’immwō watō’mer ’immwō haqədēš hiqədašətî ’eṯ-hakesef layhwâ mîyāḏî liḇənî l^a‘ăśwōṯ pesel ûmassēḵâ wə‘atâ ’ăšîḇennû lāḵə:

4 wayyāšeḇ ’eṯ-hakesef lə’immwō watiqq^aḥ ’immwō mā’ṯayim kesef watitənēhû laṣṣwōrēf wayy^a‘ăśēhû pesel ûmassēḵâ wayəhî bəḇêṯ mîḵāyəhû:

5 wəhā’îš mîḵâ lwō bêṯ ’ĕlōhîm wayy^a‘aś ’ēfwōḏ ûṯərāfîm wayəmallē’ ’eṯ-yaḏ ’^aḥaḏ mibānāyw wayəhî-lwō ləḵōhēn:

6 bayyāmîm hâēm ’ên meleḵə bəyiśərā’ēl ’îš hayyāšār bə‘ênāyw y^a‘ăśeh: f

7 wayəhî-n^a‘ar mibêṯ leḥem yəhûḏâ mimmišəp^aḥaṯ yəhûḏâ wəhû’ lēwî wəhû’ ḡār-šām:

8 wayyēleḵə hā’îš mēhā‘îr mibêṯ leḥem yəhûḏâ lāḡûr ba’ăšer yiməṣā’ wayyāḇō’ har-’efərayim ‘aḏ-bêṯ mîḵâ l^a‘ăśwōṯ darəkwō:

9 wayyō’mer-lwō mîḵâ mē’ayin tāḇwō’ wayyō’mer ’ēlāyw lēwî ’ānōḵî mibêṯ leḥem yəhûḏâ wə’ānōḵî hōlēḵə lāḡûr ba’ăšer ’eməṣā’:

10 wayyō’mer lwō mîḵâ šəḇâ ‘immāḏî wehəyēh-lî lə’āḇ ûləḵōhēn wə’ānōḵî ’eten-ləḵā ‘ăśereṯ kesef layyāmîm wə‘ēreḵə bəḡāḏîm ûmiḥəyāṯeḵā wayyēleḵə hallēwî:

11 wayywō’el hallēwî lāšeḇeṯ ’eṯ-hā’îš wayəhî hann^a‘ar lwō kə’^aḥaḏ mibānāyw:

12 wayəmallē’ mîḵâ ’eṯ-yaḏ hallēwî wayəhî-lwō hann^a‘ar ləḵōhēn wayəhî bəḇêṯ mîḵâ:

13 wayyō’mer mîḵâ ‘atâ yāḏ^a‘ətî kî-yêṭîḇ yəhwâ lî kî hāyâ-lî hallēwî ləḵōhēn: