V.

AD MISSAM.

IN FESTO TRANSLATIONIS MAGNI MARTYRIS.

Officium.

Gloria et honore coronasti eum et constituisti eum super opera manuum tuarum. [Ps. 8. v. 5, 6.]

Versus.

Domine Deus noster, quam admirabile est nomen tuum in omni terra. [Ps. 8. v. 9.]

Collecta.

Adesto Domine supplicationibus nostris, et intercedente beato Magno martyre tuo ab hostium nos defende propiciatus incursu.  Per Dominum.

Lectio.

Justus si morte ........... in electos illius.  [Libri. Sap. 4. v. 7-15.]

Gradale.

Posuisti Domine super caput ejus coronam de lapide precioso.  [Ps. 20. v. 3.]

Versus.

Desiderium animae ejus tribuisti ei, et voluntate labiorum ejus non fraudasti eum.  [Ps. 20. v. 2.]

Versus.

Alleluia.  Beatus vir qui timet Dominum, in mandatis ejus cupit (1) nimis.  [Ps. 111. v. 1.]

Evangelium.

Secundum Matheum [x. 34-42.]  In illo tempore dixit Jesus, Nolite .......... non perdet mercedem suam.

Offertorium.

Posuisti Domine in capite ejus coronam de lapide precioso.

Secreta.

Presentia munera quaesumus Domine serena pietate intuere, ut Sancti Spiritus perfundantur benedictione et in nostris cordibus eam dilectionem validam infundant, per quam sanctus martyr Magnus omnia corporis tormenta devicit.  Per Dominum eundem.

Communio.

Posuisti Domine in capite ejus coronam de lapide precioso.

Complenda. (2)

Sumpsimus Domine sancti martiris tui Magni solempnitate celestia sacramenta cujus suffragiis quaesumus largiaris, ut quod temporaliter gerimus eternis gaudiis consequamur.  Per Dominum.

********************

1.                  "Cupit." The Vulgate reads volet for cupit.

2.                  "Complenda."  In the Drontheim Missal this term is synonymous with the Postcommunio of other Missals.