‎1 ‏וַיֹּאמְר֨וּ אֵלָ֜יו אִ֣ישׁ אֶפְרַ֗יִם מָֽה־הַדָּבָ֤ר הַזֶּה֙ עָשִׂ֣יתָ לָּ֔נוּ לְבִלְתִּי֙ קְרֹ֣אות לָ֔נוּ כִּ֥י הָלַ֖כְתָּ לְהִלָּחֵ֣ם בְּמִדְיָ֑ן וַיְרִיב֥וּן אִתּ֖וֹ בְּחָזְקָֽה׃

‎2 ‏וַיֹּ֣אמֶר אֲלֵיהֶ֔ם מֶה־עָשִׂ֥יתִי עַתָּ֖ה כָּכֶ֑ם הֲל֗וֹא ט֛וֹב עֹלְל֥וֹת אֶפְרַ֖יִם מִבְצִ֥יר אֲבִיעֶֽזֶר׃

‎3 ‏בְּיֶדְכֶם֩ נָתַ֨ן אֱלֹהִ֜ים אֶת־שָׂרֵ֤י מִדְיָן֙ אֶת־עֹרֵ֣ב וְאֶת־זְאֵ֔ב וּמַה־יָּכֹ֖לְתִּי עֲשׂ֣וֹת כָּכֶ֑ם אָ֗ז רָפְתָ֤ה רוּחָם֙ מֵֽעָלָ֔יו בְּדַבְּר֖וֹ הַדָּבָ֥ר הַזֶּֽה׃

‎4 ‏וַיָּבֹ֥א גִדְע֖וֹן הַיַּרְדֵּ֑נָה עֹבֵ֣ר ה֗וּא וּשְׁלֹשׁ־מֵא֤וֹת הָאִישׁ֙ אֲשֶׁ֣ר אִתּ֔וֹ עֲיֵפִ֖ים וְרֹדְפִֽים׃

‎5 ‏וַיֹּ֙אמֶר֙ לְאַנְשֵׁ֣י סֻכּ֔וֹת תְּנוּ־נָא֙ כִּכְּר֣וֹת לֶ֔חֶם לָעָ֖ם אֲשֶׁ֣ר בְּרַגְלָ֑י כִּי־עֲיֵפִ֣ים הֵ֔ם וְאָנֹכִ֗י רֹדֵ֛ף אַחֲרֵ֛י זֶ֥בַח וְצַלְמֻנָּ֖ע מַלְכֵ֥י מִדְיָֽן׃

‎6 ‏וַיֹּ֙אמֶר֙ שָׂרֵ֣י סֻכּ֔וֹת הֲ֠כַף זֶ֧בַח וְצַלְמֻנָּ֛ע עַתָּ֖ה בְּיָדֶ֑ךָ כִּֽי־נִתֵּ֥ן לִֽצְבָאֲךָ֖ לָֽחֶם׃

‎7 ‏וַיֹּ֣אמֶר גִּדְע֔וֹן לָכֵ֗ן בְּתֵ֧ת יְהוָ֛ה אֶת־זֶ֥בַח וְאֶת־צַלְמֻנָּ֖ע בְּיָדִ֑י וְדַשְׁתִּי֙ אֶת־בְּשַׂרְכֶ֔ם אֶת־קוֹצֵ֥י הַמִּדְבָּ֖ר וְאֶת־הַֽבַּרְקֳנִֽים׃

‎8 ‏וַיַּ֤עַל מִשָּׁם֙ פְּנוּאֵ֔ל וַיְדַבֵּ֥ר אֲלֵיהֶ֖ם כָּזֹ֑את וַיַּעֲנ֤וּ אוֹתוֹ֙ אַנְשֵׁ֣י פְנוּאֵ֔ל כַּאֲשֶׁ֥ר עָנ֖וּ אַנְשֵׁ֥י סֻכּֽוֹת׃

‎9 ‏וַיֹּ֛אמֶר גַּם־לְאַנְשֵׁ֥י פְנוּאֵ֖ל לֵאמֹ֑ר בְּשׁוּבִ֣י בְשָׁל֔וֹם אֶתֹּ֖ץ אֶת־הַמִּגְדָּ֥ל הַזֶּֽה׃ פ

‎10 ‏וְזֶ֨בַח וְצַלְמֻנָּ֜ע בַּקַּרְקֹ֗ר וּמַחֲנֵיהֶ֤ם עִמָּם֙ כַּחֲמֵ֤שֶׁת עָשָׂר֙ אֶ֔לֶף כֹּ֚ל הַנּ֣וֹתָרִ֔ים מִכֹּ֖ל מַחֲנֵ֣ה בְנֵי־קֶ֑דֶם וְהַנֹּ֣פְלִ֔ים מֵאָ֨ה וְעֶשְׂרִ֥ים אֶ֛לֶף אִ֖ישׁ שֹׁ֥לֵֽף חָֽרֶב׃

‎11 ‏וַיַּ֣עַל גִּדְע֗וֹן דֶּ֚רֶךְ הַשְּׁכוּנֵ֣י בָֽאֳהָלִ֔ים מִקֶּ֥דֶם לְנֹ֖בַח וְיָגְבֳּהָ֑ה וַיַּךְ֙ אֶת־הַֽמַּחֲנֶ֔ה וְהַֽמַּחֲנֶ֖ה הָ֥יָה בֶֽטַח׃

‎12 ‏וַיָּנ֗וּסוּ זֶ֚בַח וְצַלְמֻנָּ֔ע וַיִּרְדֹּ֖ף אַחֲרֵיהֶ֑ם וַיִּלְכֹּ֞ד אֶת־שְׁנֵ֣י׀ מַלְכֵ֣י מִדְיָ֗ן אֶת־זֶ֙בַח֙ וְאֶת־צַלְמֻנָּ֔ע וְכָל־הַֽמַּחֲנֶ֖ה הֶחֱרִֽיד׃

‎13 ‏וַיָּ֛שָׁב גִּדְע֥וֹן בֶּן־יוֹאָ֖שׁ מִן־הַמִּלְחָמָ֑ה מִֽלְמַעֲלֵ֖ה הֶחָֽרֶס׃

‎14 ‏וַיִּלְכָּד־נַ֛עַר מֵאַנְשֵׁ֥י סֻכּ֖וֹת וַיִּשְׁאָלֵ֑הוּ וַיִּכְתֹּ֨ב אֵלָ֜יו אֶת־שָׂרֵ֤י סֻכּוֹת֙ וְאֶת־זְקֵנֶ֔יהָ שִׁבְעִ֥ים וְשִׁבְעָ֖ה אִֽישׁ׃

‎15 ‏וַיָּבֹא֙ אֶל־אַנְשֵׁ֣י סֻכּ֔וֹת וַיֹּ֕אמֶר הִנֵּ֖ה זֶ֣בַח וְצַלְמֻנָּ֑ע אֲשֶׁר֩ חֵרַפְתֶּ֨ם אוֹתִ֜י לֵאמֹ֗ר הֲ֠כַף זֶ֣בַח וְצַלְמֻנָּ֤ע עַתָּה֙ בְּיָדֶ֔ךָ כִּ֥י נִתֵּ֛ן לַאֲנָשֶׁ֥יךָ הַיְּעֵפִ֖ים לָֽחֶם׃

‎16 ‏וַיִּקַּח֙ אֶת־זִקְנֵ֣י הָעִ֔יר וְאֶת־קוֹצֵ֥י הַמִּדְבָּ֖ר וְאֶת־הַֽבַּרְקֳנִ֑ים וַיֹּ֣דַע בָּהֶ֔ם אֵ֖ת אַנְשֵׁ֥י סֻכּֽוֹת׃

‎17 ‏וְאֶת־מִגְדַּ֥ל פְּנוּאֵ֖ל נָתָ֑ץ וַֽיַּהֲרֹ֖ג אֶת־אַנְשֵׁ֥י הָעִֽיר׃

‎18 ‏וַיֹּ֗אמֶר אֶל־זֶ֙בַח֙ וְאֶל־צַלְמֻנָּ֔ע אֵיפֹה֙ הָאֲנָשִׁ֔ים אֲשֶׁ֥ר הֲרַגְתֶּ֖ם בְּתָב֑וֹר וַֽיֹּאמְרוּ֙ כָּמ֣וֹךָ כְמוֹהֶ֔ם אֶחָ֕ד כְּתֹ֖אַר בְּנֵ֥י הַמֶּֽלֶךְ׃

‎19 ‏וַיֹּאמַ֕ר אַחַ֥י בְּנֵֽי־אִמִּ֖י הֵ֑ם חַי־יְהוָ֗ה ל֚וּ הַחֲיִתֶ֣ם אוֹתָ֔ם לֹ֥א הָרַ֖גְתִּי אֶתְכֶֽם׃

‎20 ‏וַיֹּ֙אמֶר֙ לְיֶ֣תֶר בְּכוֹר֔וֹ ק֖וּם הֲרֹ֣ג אוֹתָ֑ם וְלֹא־שָׁלַ֨ף הַנַּ֤עַר חַרְבּוֹ֙ כִּ֣י יָרֵ֔א כִּ֥י עוֹדֶ֖נּוּ נָֽעַר׃

‎21 ‏וַיֹּ֜אמֶר זֶ֣בַח וְצַלְמֻנָּ֗ע ק֤וּם אַתָּה֙ וּפְגַע־בָּ֔נוּ כִּ֥י כָאִ֖ישׁ גְּבוּרָת֑וֹ וַיָּ֣קָם גִּדְע֗וֹן וַֽיַּהֲרֹג֙ אֶת־זֶ֣בַח וְאֶת־צַלְמֻנָּ֔ע וַיִּקַּח֙ אֶת־הַשַּׂ֣הֲרֹנִ֔ים אֲשֶׁ֖ר בְּצַוְּארֵ֥י גְמַלֵּיהֶֽם׃

‎22 ‏וַיֹּאמְר֤וּ אִֽישׁ־יִשְׂרָאֵל֙ אֶל־גִּדְע֔וֹן מְשָׁל־בָּ֙נוּ֙ גַּם־אַתָּ֔ה גַּם־בִּנְךָ֖ גַּ֣ם בֶּן־בְּנֶ֑ךָ כִּ֥י הוֹשַׁעְתָּ֖נוּ מִיַּ֥ד מִדְיָֽן׃

‎23 ‏וַיֹּ֤אמֶר אֲלֵהֶם֙ גִּדְע֔וֹן לֹֽא־אֶמְשֹׁ֤ל אֲנִי֙ בָּכֶ֔ם וְלֹֽא־יִמְשֹׁ֥ל בְּנִ֖י בָּכֶ֑ם יְהוָ֖ה יִמְשֹׁ֥ל בָּכֶֽם׃

‎24 ‏וַיֹּ֨אמֶר אֲלֵהֶ֜ם גִּדְע֗וֹן אֶשְׁאֲלָ֤ה מִכֶּם֙ שְׁאֵלָ֔ה וּתְנוּ־לִ֕י אִ֖ישׁ נֶ֣זֶם שְׁלָל֑וֹ כִּֽי־נִזְמֵ֤י זָהָב֙ לָהֶ֔ם כִּ֥י יִשְׁמְעֵאלִ֖ים הֵֽם׃

‎25 ‏וַיֹּאמְר֖וּ נָת֣וֹן נִתֵּ֑ן וַֽיִּפְרְשׂוּ֙ אֶת־הַשִּׂמְלָ֔ה וַיַּשְׁלִ֣יכוּ שָׁ֔מָּה אִ֖ישׁ נֶ֥זֶם שְׁלָלֽוֹ׃

‎26 ‏וַיְהִ֗י מִשְׁקַ֞ל נִזְמֵ֤י הַזָּהָב֙ אֲשֶׁ֣ר שָׁאָ֔ל אֶ֥לֶף וּשְׁבַע־מֵא֖וֹת זָהָ֑ב לְ֠בַד מִן־הַשַּׂהֲרֹנִ֨ים וְהַנְּטִפ֜וֹת וּבִגְדֵ֣י הָאַרְגָּמָ֗ן שֶׁעַל֙ מַלְכֵ֣י מִדְיָ֔ן וּלְבַד֙ מִן־הָ֣עֲנָק֔וֹת אֲשֶׁ֖ר בְּצַוְּארֵ֥י גְמַלֵּיהֶֽם׃

‎27 ‏וַיַּעַשׂ֩ אוֹת֨וֹ גִדְע֜וֹן לְאֵפ֗וֹד וַיַּצֵּ֨ג אוֹת֤וֹ בְעִירוֹ֙ בְּעָפְרָ֔ה וַיִּזְנ֧וּ כָֽל־יִשְׂרָאֵ֛ל אַחֲרָ֖יו שָׁ֑ם וַיְהִ֛י לְגִדְע֥וֹן וּלְבֵית֖וֹ לְמוֹקֵֽשׁ׃

‎28 ‏וַיִּכָּנַ֣ע מִדְיָ֗ן לִפְנֵי֙ בְּנֵ֣י יִשְׂרָאֵ֔ל וְלֹ֥א יָסְפ֖וּ לָשֵׂ֣את רֹאשָׁ֑ם וַתִּשְׁקֹ֥ט הָאָ֛רֶץ אַרְבָּעִ֥ים שָׁנָ֖ה בִּימֵ֥י גִדְעֽוֹן׃ פ

‎29 ‏וַיֵּ֛לֶךְ יְרֻבַּ֥עַל בֶּן־יוֹאָ֖שׁ וַיֵּ֥שֶׁב בְּבֵיתֽוֹ׃

‎30 ‏וּלְגִדְע֗וֹן הָיוּ֙ שִׁבְעִ֣ים בָּנִ֔ים יֹצְאֵ֖י יְרֵכ֑וֹ כִּֽי־נָשִׁ֥ים רַבּ֖וֹת הָ֥יוּ לֽוֹ׃

‎31 ‏וּפִֽילַגְשׁוֹ֙ אֲשֶׁ֣ר בִּשְׁכֶ֔ם יָֽלְדָה־לּ֥וֹ גַם־הִ֖יא בֵּ֑ן וַיָּ֥שֶׂם אֶת־שְׁמ֖וֹ אֲבִימֶֽלֶךְ׃

‎32 ‏וַיָּ֛מָת גִּדְע֥וֹן בֶּן־יוֹאָ֖שׁ בְּשֵׂיבָ֣ה טוֹבָ֑ה וַיִּקָּבֵ֗ר בְּקֶ֙בֶר֙ יוֹאָ֣שׁ אָבִ֔יו בְּעָפְרָ֖ה אֲבִ֥י הָֽעֶזְרִֽי׃ פ

‎33 ‏וַיְהִ֗י כַּֽאֲשֶׁר֙ מֵ֣ת גִּדְע֔וֹן וַיָּשׁ֙וּבוּ֙ בְּנֵ֣י יִשְׂרָאֵ֔ל וַיִּזְנ֖וּ אַחֲרֵ֣י הַבְּעָלִ֑ים וַיָּשִׂ֧ימוּ לָהֶ֛ם בַּ֥עַל בְּרִ֖ית לֵאלֹהִֽים׃

‎34 ‏וְלֹ֤א זָֽכְרוּ֙ בְּנֵ֣י יִשְׂרָאֵ֔ל אֶת־יְהוָ֖ה אֱלֹהֵיהֶ֑ם הַמַּצִּ֥יל אוֹתָ֛ם מִיַּ֥ד כָּל־אֹיְבֵיהֶ֖ם מִסָּבִֽיב׃

‎35 ‏וְלֹֽא־עָשׂ֣וּ חֶ֔סֶד עִם־בֵּ֥ית יְרֻבַּ֖עַל גִּדְע֑וֹן כְּכָל־הַטּוֹבָ֔ה אֲשֶׁ֥ר עָשָׂ֖ה עִם־יִשְׂרָאֵֽל׃ פ

1 wayyō’mərû ’ēlāyw ’îš ’efərayim mâ-hadāḇār hazzeh ‘āśîṯā llānû ləḇilətî qərō’wṯ lānû kî hālaḵətā ləhillāḥēm bəmiḏəyān wayərîḇûn ’itwō bəḥāzəqâ:

2 wayyō’mer ’ălêhem meh-‘āśîṯî ‘atâ kāḵem hălwō’ ṭwōḇ ‘ōləlwōṯ ’efərayim miḇəṣîr ’ăḇî‘ezer:

3 bəyeḏəḵem nāṯan ’ĕlōhîm ’eṯ-śārê miḏəyān ’eṯ-‘ōrēḇ wə’eṯ-zə’ēḇ ûmah-yyāḵōlətî ‘ăśwōṯ kāḵem ’āz rāfəṯâ rûḥām mē‘ālāyw bəḏabərwō hadāḇār hazzeh:

4 wayyāḇō’ ḡiḏə‘wōn hayyarədēnâ ‘ōḇēr hû’ ûšəlōš-mē’wōṯ hā’îš ’ăšer ’itwō ‘ăyēfîm wərōḏəfîm:

5 wayyō’mer lə’anəšê sukwōṯ tənû-nā’ kikərwōṯ leḥem lā‘ām ’ăšer bəraḡəlāy kî-‘ăyēfîm hēm wə’ānōḵî rōḏēf ’^aḥărê zeḇ^aḥ wəṣaləmunnā‘ maləḵê miḏəyān:

6 wayyō’mer śārê sukwōṯ hăḵaf zeḇ^aḥ wəṣaləmunnā‘ ‘atâ bəyāḏeḵā kî-nitēn liṣəḇā’ăḵā lāḥem:

7 wayyō’mer giḏə‘wōn lāḵēn bəṯēṯ yəhwâ ’eṯ-zeḇ^aḥ wə’eṯ-ṣaləmunnā‘ bəyāḏî wəḏašətî ’eṯ-bəśarəḵem ’eṯ-qwōṣê hammiḏəbār wə’eṯ-habarəqŏnîm:

8 wayy^a‘al miššām pənû’ēl wayəḏabēr ’ălêhem kāzō’ṯ wayy^a‘ănû ’wōṯwō ’anəšê fənû’ēl ka’ăšer ‘ānû ’anəšê sukwōṯ:

9 wayyō’mer gam-lə’anəšê fənû’ēl lē’mōr bəšûḇî ḇəšālwōm ’etōṣ ’eṯ-hammiḡədāl hazzeh: f

10 wəzeḇ^aḥ wəṣaləmunnā‘ baqqarəqōr ûm^aḥănêhem ‘immām k^aḥămēšeṯ ‘āśār ’elef kōl hannwōṯārîm mikōl m^aḥănēh ḇənê-qeḏem wəhannōfəlîm mē’â wə‘eśərîm ’elef ’îš šōlēf ḥāreḇ:

11 wayy^a‘al giḏə‘wōn dereḵə haššəḵûnê ḇā’ŏhālîm miqqeḏem lənōḇ^aḥ wəyāḡəbŏhâ wayyaḵə ’eṯ-hamm^aḥăneh wəhamm^aḥăneh hāyâ ḇeṭ^aḥ:

12 wayyānûsû zeḇ^aḥ wəṣaləmunnā‘ wayyirədōf ’^aḥărêhem wayyiləkōḏ ’eṯ-šənê| maləḵê miḏəyān ’eṯ-zeḇ^aḥ wə’eṯ-ṣaləmunnā‘ wəḵāl-hamm^aḥăneh heḥĕrîḏ:

13 wayyāšāḇ giḏə‘wōn ben-ywō’āš min-hammiləḥāmâ miləm^a‘ălēh heḥāres:

14 wayyiləkāḏ-n^a‘ar mē’anəšê sukwōṯ wayyišə’ālēhû wayyiḵətōḇ ’ēlāyw ’eṯ-śārê sukwōṯ wə’eṯ-zəqēneyhā šiḇə‘îm wəšiḇə‘â ’îš:

15 wayyāḇō’ ’el-’anəšê sukwōṯ wayyō’mer hinnēh zeḇ^aḥ wəṣaləmunnā‘ ’ăšer ḥērafətem ’wōṯî lē’mōr hăḵaf zeḇ^aḥ wəṣaləmunnā‘ ‘atâ bəyāḏeḵā kî nitēn la’ănāšeyḵā hayyə‘ēfîm lāḥem:

16 wayyiqq^aḥ ’eṯ-ziqənê hā‘îr wə’eṯ-qwōṣê hammiḏəbār wə’eṯ-habarəqŏnîm wayyōḏ^a‘ bâem ’ēṯ ’anəšê sukwōṯ:

17 wə’eṯ-miḡədal pənû’ēl nāṯāṣ wayyahărōḡ ’eṯ-’anəšê hā‘îr:

18 wayyō’mer ’el-zeḇ^aḥ wə’el-ṣaləmunnā‘ ’êfōh hā’ănāšîm ’ăšer hăraḡətem bəṯāḇwōr wayyō’mərû kāmwōḵā ḵəmwōhem ’eḥāḏ kəṯō’ar bənê hammeleḵə:

19 wayyō’mar ’^aḥay bənê-’immî hēm ḥay-yəhwâ lû h^aḥăyiṯem ’wōṯām lō’ hāraḡətî ’eṯəḵem:

20 wayyō’mer ləyeṯer bəḵwōrwō qûm hărōḡ ’wōṯām wəlō’-šālaf hann^a‘ar ḥarəbwō kî yārē’ kî ‘wōḏennû nā‘ar:

21 wayyō’mer zeḇ^aḥ wəṣaləmunnā‘ qûm ’atâ ûfəḡ^a‘-bānû kî ḵā’îš gəḇûrāṯwō wayyāqām giḏə‘wōn wayyahărōḡ ’eṯ-zeḇ^aḥ wə’eṯ-ṣaləmunnā‘ wayyiqq^aḥ ’eṯ-haśśahărōnîm ’ăšer bəṣaûə’rê ḡəmallêhem:

22 wayyō’mərû ’îš-yiśərā’ēl ’el-giḏə‘wōn məšāl-bānû gam-’atâ gam-binəḵā gam ben-bəneḵā kî hwōš^a‘ətānû mîyaḏ miḏəyān:

23 wayyō’mer ’ălēhem giḏə‘wōn lō’-’eməšōl ’ănî bāḵem wəlō’-yiməšōl bənî bāḵem yəhwâ yiməšōl bāḵem:

24 wayyō’mer ’ălēhem giḏə‘wōn ’ešə’ălâ mikem šə’ēlâ ûṯənû-lî ’îš nezem šəlālwō kî-nizəmê zâāḇ lâem kî yišəmə‘ē’lîm hēm:

25 wayyō’mərû nāṯwōn nitēn wayyifərəśû ’eṯ-haśśiməlâ wayyašəlîḵû šāmmâ ’îš nezem šəlālwō:

26 wayəhî mišəqal nizəmê hazzâāḇ ’ăšer šā’āl ’elef ûšəḇ^a‘-mē’wōṯ zâāḇ ləḇaḏ min-haśśahărōnîm wəhannəṭifwōṯ ûḇiḡəḏê hā’arəgāmān še‘al maləḵê miḏəyān ûləḇaḏ min-hā‘ănāqwōṯ ’ăšer bəṣaûə’rê ḡəmallêhem:

27 wayy^a‘aś ’wōṯwō ḡiḏə‘wōn lə’ēfwōḏ wayyaṣṣēḡ ’wōṯwō ḇə‘îrwō bə‘āfərâ wayyizənû ḵāl-yiśərā’ēl ’^aḥărāyw šām wayəhî ləḡiḏə‘wōn ûləḇêṯwō ləmwōqēš:

28 wayyikān^a‘ miḏəyān lifənê bənê yiśərā’ēl wəlō’ yāsəfû lāśē’ṯ rō’šām watišəqōṭ hā’āreṣ ’arəbā‘îm šānâ bîmê ḡiḏə‘wōn: f

29 wayyēleḵə yərub^a‘al ben-ywō’āš wayyēšeḇ bəḇêṯwō:

30 ûləḡiḏə‘wōn hāyû šiḇə‘îm bānîm yōṣə’ê yərēḵwō kî-nāšîm rabwōṯ hāyû lwō:

31 ûfîlaḡəšwō ’ăšer bišəḵem yāləḏâ-llwō ḡam-hî’ bēn wayyāśem ’eṯ-šəmwō ’ăḇîmeleḵə:

32 wayyāmāṯ giḏə‘wōn ben-ywō’āš bəśêḇâ ṭwōḇâ wayyiqqāḇēr bəqeḇer ywō’āš ’āḇîw bə‘āfərâ ’ăḇî hā‘ezərî: f

33 wayəhî ka’ăšer mēṯ giḏə‘wōn wayyāšûḇû bənê yiśərā’ēl wayyizənû ’^aḥărê habə‘ālîm wayyāśîmû lâem b^a‘al bərîṯ lē’lōhîm:

34 wəlō’ zāḵərû bənê yiśərā’ēl ’eṯ-yəhwâ ’ĕlōhêhem hammaṣṣîl ’wōṯām mîyaḏ kāl-’ōyəḇêhem missāḇîḇ:

35 wəlō’-‘āśû ḥeseḏ ‘im-bêṯ yərub^a‘al giḏə‘wōn kəḵāl-haṭṭwōḇâ ’ăšer ‘āśâ ‘im-yiśərā’ēl: f