‎1 ‏וּבִשְׁנַ֣ת אַחַ֗ת לְכ֙וֹרֶשׁ֙ מֶ֣לֶךְ פָּרַ֔ס לִכְל֥וֹת דְּבַר־יְהוָ֖ה מִפִּ֣י יִרְמְיָ֑ה הֵעִ֣יר יְהוָ֗ה אֶת־ר֙וּחַ֙ כֹּ֣רֶשׁ מֶֽלֶךְ־פָּרַ֔ס וַיַּֽעֲבֶר־קוֹל֙ בְּכָל־מַלְכוּת֔וֹ וְגַם־בְּמִכְתָּ֖ב לֵאמֹֽר׃

‎2 ‏כֹּ֣ה אָמַ֗ר כֹּ֚רֶשׁ מֶ֣לֶךְ פָּרַ֔ס כֹּ֚ל מַמְלְכ֣וֹת הָאָ֔רֶץ נָ֣תַן לִ֔י יְהוָ֖ה אֱלֹהֵ֣י הַשָּׁמָ֑יִם וְהֽוּא־פָקַ֤ד עָלַי֙ לִבְנֽוֹת־ל֣וֹ בַ֔יִת בִּירוּשָׁלִַ֖ם אֲשֶׁ֥ר בִּֽיהוּדָֽה׃

‎3 ‏מִֽי־בָכֶ֣ם מִכָּל־עַמּ֗וֹ יְהִ֤י אֱלֹהָיו֙ עִמּ֔וֹ וְיַ֕עַל לִירוּשָׁלִַ֖ם אֲשֶׁ֣ר בִּיהוּדָ֑ה וְיִ֗בֶן אֶת־בֵּ֤ית יְהוָה֙ אֱלֹהֵ֣י יִשְׂרָאֵ֔ל ה֥וּא הָאֱלֹהִ֖ים אֲשֶׁ֥ר בִּירוּשָׁלִָֽם׃

‎4 ‏וְכָל־הַנִּשְׁאָ֗ר מִֽכָּל־הַמְּקֹמוֹת֮ אֲשֶׁ֣ר ה֣וּא גָֽר־שָׁם֒ יְנַשְּׂא֙וּהוּ֙ אַנְשֵׁ֣י מְקֹמ֔וֹ בְּכֶ֥סֶף וּבְזָהָ֖ב וּבִרְכ֣וּשׁ וּבִבְהֵמָ֑ה עִם־הַ֨נְּדָבָ֔ה לְבֵ֥ית הָאֱלֹהִ֖ים אֲשֶׁ֥ר בִּירוּשָׁלִָֽם׃

‎5 ‏וַיָּק֜וּמוּ רָאשֵׁ֣י הָאָב֗וֹת לִֽיהוּדָה֙ וּבִנְיָמִ֔ן וְהַכֹּהֲנִ֖ים וְהַלְוִיִּ֑ם לְכֹ֨ל הֵעִ֤יר הָאֱלֹהִים֙ אֶת־רוּח֔וֹ לַעֲל֣וֹת לִבְנ֔וֹת אֶת־בֵּ֥ית יְהוָ֖ה אֲשֶׁ֥ר בִּירוּשָׁלִָֽם׃

‎6 ‏וְכָל־סְבִיבֹֽתֵיהֶם֙ חִזְּק֣וּ בִֽידֵיהֶ֔ם בִּכְלֵי־כֶ֧סֶף בַּזָּהָ֛ב בָּרְכ֥וּשׁ וּבַבְּהֵמָ֖ה וּבַמִּגְדָּנ֑וֹת לְבַ֖ד עַל־כָּל־הִתְנַדֵּֽב׃ ס

‎7 ‏וְהַמֶּ֣לֶךְ כּ֔וֹרֶשׁ הוֹצִ֖יא אֶת־כְּלֵ֣י בֵית־יְהוָ֑ה אֲשֶׁ֨ר הוֹצִ֤יא נְבֽוּכַדְנֶצַּר֙ מִיר֣וּשָׁלִַ֔ם וַֽיִּתְּנֵ֖ם בְּבֵ֥ית אֱלֹהָֽיו׃

‎8 ‏וַיּֽוֹצִיאֵ֗ם³ כּ֚וֹרֶשׁ מֶ֣לֶךְ פָּרַ֔ס עַל־יַ֖ד מִתְרְדָ֣ת הַגִּזְבָּ֑ר וַֽיִּסְפְּרֵם֙ לְשֵׁשְׁבַּצַּ֔ר הַנָּשִׂ֖יא לִיהוּדָֽה׃

‎9 ‏וְאֵ֖לֶּה מִסְפָּרָ֑ם אֲגַרְטְלֵ֨י זָהָ֜ב שְׁלֹשִׁ֗ים אֲגַרְטְלֵי־כֶ֙סֶף֙ אָ֔לֶף מַחֲלָפִ֖ים תִּשְׁעָ֥ה וְעֶשְׂרִֽים׃ ס

‎10 ‏כְּפוֹרֵ֤י זָהָב֙ שְׁלֹשִׁ֔ים כְּפ֤וֹרֵי כֶ֙סֶף֙ מִשְׁנִ֔ים אַרְבַּ֥ע מֵא֖וֹת וַעֲשָׂרָ֑ה כֵּלִ֥ים אֲחֵרִ֖ים אָֽלֶף׃ ס

‎11 ‏כָּל־כֵּלִים֙ לַזָּהָ֣ב וְלַכֶּ֔סֶף חֲמֵ֥שֶׁת אֲלָפִ֖ים וְאַרְבַּ֣ע מֵא֑וֹת הַכֹּ֞ל הֶעֱלָ֣ה שֵׁשְׁבַּצַּ֗ר עִ֚ם הֵעָל֣וֹת הַגּוֹלָ֔ה מִבָּבֶ֖ל לִירוּשָׁלִָֽם׃ פ

1 ûḇišənaṯ ’^aḥaṯ ləḵwōreš meleḵə pāras liḵəlwōṯ dəḇar-yəhwâ mipî yirəməyâ hē‘îr yəhwâ ’eṯ-rûḥa kōreš meleḵə-pāras wayy^a‘ăḇer-qwōl bəḵāl-maləḵûṯwō wəḡam-bəmiḵətāḇ lē’mōr:

2 kōh ’āmar kōreš meleḵə pāras kōl mamələḵwōṯ hā’āreṣ nāṯan lî yəhwâ ’ĕlōhê haššāmāyim wəhû’-fāqaḏ ‘ālay liḇənwōṯ-lwō ḇayiṯ bîrûšālaim ’ăšer bîhûḏâ:

3 mî-ḇāḵem mikāl-‘ammwō yəhî ’ĕlōhāyw ‘immwō wəy^a‘al lîrûšālaim ’ăšer bîhûḏâ wəyiḇen ’eṯ-bêṯ yəhwâ ’ĕlōhê yiśərā’ēl hû’ hā’ĕlōhîm ’ăšer bîrûšālāim:

4 wəḵāl-hannišə’ār mikāl-hamməqōmwōṯ ’ăšer hû’ ḡār-šām yənaśśə’ûhû ’anəšê məqōmwō bəḵesef ûḇəzâāḇ ûḇirəḵûš ûḇiḇəhēmâ ‘im-hannəḏāḇâ ləḇêṯ hā’ĕlōhîm ’ăšer bîrûšālāim:

5 wayyāqûmû rā’šê hā’āḇwōṯ lîhûḏâ ûḇinəyāmin wəhakōhănîm wəhaləwîyim ləḵōl hē‘îr hā’ĕlōhîm ’eṯ-rûḥwō l^a‘ălwōṯ liḇənwōṯ ’eṯ-bêṯ yəhwâ ’ăšer bîrûšālāim:

6 wəḵāl-səḇîḇōṯêhem ḥizzəqû ḇîḏêhem biḵəlê-ḵesef bazzâāḇ bārəḵûš ûḇabəhēmâ ûḇammiḡədānwōṯ ləḇaḏ ‘al-kāl-hiṯənadēḇ: s

7 wəhammeleḵə kwōreš hwōṣî’ ’eṯ-kəlê ḇêṯ-yəhwâ ’ăšer hwōṣî’ nəḇûḵaḏəneṣṣar mîrûšālaim wayyitənēm bəḇêṯ ’ĕlōhāyw:

8 wayywōṣî’ēm³ kwōreš meleḵə pāras ‘al-yaḏ miṯərəḏāṯ hagizəbār wayyisəpərēm ləšēšəbaṣṣar hannāśî’ lîhûḏâ:

9 wə’ēlleh misəpārām ’ăḡarəṭəlê zâāḇ šəlōšîm ’ăḡarəṭəlê-ḵesef ’ālef m^aḥălāfîm tišə‘â wə‘eśərîm: s

10 kəfwōrê zâāḇ šəlōšîm kəfwōrê ḵesef mišənîm ’arəb^a‘ mē’wōṯ w^a‘ăśārâ kēlîm ’ăḥērîm ’ālef: s

11 kāl-kēlîm lazzâāḇ wəlakesef ḥămēšeṯ ’ălāfîm wə’arəb^a‘ mē’wōṯ hakōl he‘ĕlâ šēšəbaṣṣar ‘im hē‘ālwōṯ hagwōlâ mibāḇel lîrûšālāim: f