‎1 ‏וַיְהִי֙ אַחֲרֵי־כֵ֔ן וַיָּ֕מָת נָחָ֖שׁ מֶ֣לֶךְ בְּנֵי־עַמּ֑וֹן וַיִּמְלֹ֥ךְ בְּנ֖וֹ תַּחְתָּֽיו׃

‎2 ‏וַיֹּ֨אמֶר דָּוִ֜יד אֶֽעֱשֶׂה־חֶ֣סֶד׀ עִם־חָנ֣וּן בֶּן־נָחָ֗שׁ כִּֽי־עָשָׂ֨ה אָבִ֤יו עִמִּי֙ חֶ֔סֶד וַיִּשְׁלַ֥ח דָּוִ֛יד מַלְאָכִ֖ים לְנַחֲמ֣וֹ עַל־אָבִ֑יו וַיָּבֹאוּ֩ עַבְדֵ֨י דָוִ֜יד אֶל־אֶ֧רֶץ בְּנֵי־עַמּ֛וֹן אֶל־חָנ֖וּן לְנַחֲמֽוֹ׃

‎3 ‏וַיֹּאמְרוּ֩ שָׂרֵ֨י בְנֵי־עַמּ֜וֹן לְחָנ֗וּן הַֽמְכַבֵּ֨ד דָּוִ֤יד אֶת־אָבִ֙יךָ֙ בְּעֵינֶ֔יךָ כִּֽי־שָׁלַ֥ח לְךָ֖ מְנַחֲמִ֑ים הֲלֹ֡א בַּ֠עֲבוּר לַחְקֹ֨ר וְלַהֲפֹ֤ךְ וּלְרַגֵּל֙ הָאָ֔רֶץ בָּ֥אוּ עֲבָדָ֖יו אֵלֶֽיךָ׃ פ

‎4 ‏וַיִּקַּ֨ח חָנ֜וּן אֶת־עַבְדֵ֤י דָוִיד֙ וַֽיְגַלְּחֵ֔ם וַיִּכְרֹ֧ת אֶת־מַדְוֵיהֶ֛ם בַּחֵ֖צִי עַד־הַמִּפְשָׂעָ֑ה וַֽיְשַׁלְּחֵֽם׃

‎5 ‏וַיֵּלְכוּ֩ וַיַּגִּ֨ידוּ לְדָוִ֤יד עַל־הָֽאֲנָשִׁים֙ וַיִּשְׁלַ֣ח לִקְרָאתָ֔ם כִּי־הָי֥וּ הָאֲנָשִׁ֖ים נִכְלָמִ֣ים מְאֹ֑ד וַיֹּ֤אמֶר הַמֶּ֙לֶךְ֙ שְׁב֣וּ בִֽירֵח֔וֹ עַ֛ד אֲשֶׁר־יְצַמַּ֥ח זְקַנְכֶ֖ם וְשַׁבְתֶּֽם׃

‎6 ‏וַיִּרְאוּ֙ בְּנֵ֣י עַמּ֔וֹן כִּ֥י הִֽתְבָּאֲשׁ֖וּ עִם־דָּוִ֑יד וַיִּשְׁלַ֣ח חָ֠נוּן וּבְנֵ֨י עַמּ֜וֹן אֶ֣לֶף כִּכַּר־כֶּ֗סֶף לִשְׂכֹּ֣ר לָ֠הֶם מִן־אֲרַ֨ם נַהֲרַ֜יִם וּמִן־אֲרַ֤ם מַעֲכָה֙ וּמִצּוֹבָ֔ה רֶ֖כֶב וּפָרָשִֽׁים׃

‎7 ‏וַיִּשְׂכְּר֣וּ לָהֶ֡ם שְׁנַיִם֩ וּשְׁלֹשִׁ֨ים אֶ֜לֶף רֶ֗כֶב וְאֶת־מֶ֤לֶךְ מַעֲכָה֙ וְאֶת־עַמּ֔וֹ וַיָּבֹ֕אוּ וַֽיַּחֲנ֖וּ לִפְנֵ֣י מֵידְבָ֑א וּבְנֵ֣י עַמּ֗וֹן נֶאֶסְפוּ֙ מֵעָ֣רֵיהֶ֔ם וַיָּבֹ֖אוּ לַמִּלְחָמָֽה׃³ פ

‎8 ‏וַיִּשְׁמַ֖ע דָּוִ֑יד וַיִּשְׁלַח֙ אֶת־יוֹאָ֔ב וְאֵ֥ת כָּל־צָבָ֖א הַגִּבּוֹרִֽים׃

‎9 ‏וַיֵּצְאוּ֙ בְּנֵ֣י עַמּ֔וֹן וַיַּֽעַרְכ֥וּ מִלְחָמָ֖ה פֶּ֣תַח הָעִ֑יר וְהַמְּלָכִ֣ים אֲשֶׁר־בָּ֔אוּ לְבַדָּ֖ם בַּשָּׂדֶֽה׃

‎10 ‏וַיַּ֣רְא יוֹאָ֗ב כִּֽי־הָיְתָ֧ה פְנֵי־הַמִּלְחָמָ֛ה אֵלָ֖יו פָּנִ֣ים וְאָח֑וֹר וַיִּבְחַ֗ר מִכָּל־בָּחוּר֙ בְּיִשְׂרָאֵ֔ל וַֽיַּעֲרֹ֖ךְ לִקְרַ֥את אֲרָֽם׃

‎11 ‏וְאֵת֙ יֶ֣תֶר הָעָ֔ם נָתַ֕ן בְּיַ֖ד אַבְשַׁ֣י אָחִ֑יו וַיַּ֣עַרְכ֔וּ לִקְרַ֖את בְּנֵ֥י עַמּֽוֹן׃

‎12 ‏וַיֹּ֗אמֶר אִם־תֶּחֱזַ֤ק מִמֶּ֙נִּי֙ אֲרָ֔ם וְהָיִ֥יתָ לִּ֖י לִתְשׁוּעָ֑ה סוְאִם־בְּנֵ֥י עַמּ֛וֹן יֶֽחֶזְק֥וּ מִמְּךָ֖ וְהוֹשַׁעְתִּֽיךָ׃

‎13 ‏חֲזַ֤ק וְנִֽתְחַזְּקָה֙ בְּעַד־עַמֵּ֔נוּ וּבְעַ֖ד עָרֵ֣י אֱלֹהֵ֑ינוּ וַֽיהוָ֔ה הַטּ֥וֹב בְּעֵינָ֖יו יַעֲשֶֽׂה׃

‎14 ‏וַיִּגַּ֨שׁ יוֹאָ֜ב וְהָעָ֧ם אֲשֶׁר־עִמּ֛וֹ לִפְנֵ֥י אֲרָ֖ם לַמִּלְחָמָ֑ה וַיָּנ֖וּסוּ מִפָּנָֽיו׃

‎15 ‏וּבְנֵ֨י עַמּ֤וֹן רָאוּ֙ כִּי־נָ֣ס אֲרָ֔ם וַיָּנ֣וּסוּ גַם־הֵ֗ם מִפְּנֵי֙ אַבְשַׁ֣י אָחִ֔יו וַיָּבֹ֖אוּ הָעִ֑ירָה וַיָּבֹ֥א יוֹאָ֖ב יְרוּשָׁלִָֽם׃ פ

‎16 ‏וַיַּ֣רְא אֲרָ֗ם כִּ֣י נִגְּפוּ֮ לִפְנֵ֣י יִשְׂרָאֵל֒ וַֽיִּשְׁלְחוּ֙ מַלְאָכִ֔ים וַיּוֹצִ֣יאוּ אֶת־אֲרָ֔ם אֲשֶׁ֖ר מֵעֵ֣בֶר הַנָּהָ֑ר וְשׁוֹפַ֛ךְ שַׂר־צְבָ֥א הֲדַדְעֶ֖זֶר לִפְנֵיהֶֽם׃

‎17 ‏וַיֻּגַּ֣ד לְדָוִ֗יד וַיֶּאֱסֹ֤ף אֶת־כָּל־יִשְׂרָאֵל֙ וַיַּעֲבֹ֣ר הַיַּרְדֵּ֔ן וַיָּבֹ֣א אֲלֵהֶ֔ם וַֽיַּעֲרֹ֖ךְ אֲלֵהֶ֑ם וַיַּעֲרֹ֨ךְ דָּוִ֜יד לִקְרַ֤את אֲרָם֙ מִלְחָמָ֔ה וַיִּֽלָּחֲמ֖וּ עִמּֽוֹ׃

‎18 ‏וַיָּ֣נָס אֲרָם֮ מִלִּפְנֵ֣י יִשְׂרָאֵל֒ וַיַּהֲרֹ֨ג דָּוִ֜יד מֵאֲרָ֗ם שִׁבְעַ֤ת אֲלָפִים֙ רֶ֔כֶב וְאַרְבָּעִ֥ים אֶ֖לֶף אִ֣ישׁ רַגְלִ֑י וְאֵ֛ת שׁוֹפַ֥ךְ שַֽׂר־הַצָּבָ֖א הֵמִֽית׃

‎19 ‏וַיִּרְא֞וּ עַבְדֵ֣י הֲדַדְעֶ֗זֶר כִּ֤י נִגְּפוּ֙ לִפְנֵ֣י יִשְׂרָאֵ֔ל וַיַּשְׁלִ֥ימוּ עִם־דָּוִ֖יד וַיַּֽעַבְדֻ֑הוּ וְלֹא־אָבָ֣ה אֲרָ֔ם לְהוֹשִׁ֥יעַ אֶת־בְּנֵי־עַמּ֖וֹן עֽוֹד׃ פ

1 wayəhî ’^aḥărê-ḵēn wayyāmāṯ nāḥāš meleḵə bənê-‘ammwōn wayyiməlōḵə bənwō t^aḥətāyw:

2 wayyō’mer dāwîḏ ’e‘ĕśeh-ḥeseḏ| ‘im-ḥānûn ben-nāḥāš kî-‘āśâ ’āḇîw ‘immî ḥeseḏ wayyišəl^aḥ dāwîḏ malə’āḵîm lən^aḥămwō ‘al-’āḇîw wayyāḇō’û ‘aḇəḏê ḏāwîḏ ’el-’ereṣ bənê-‘ammwōn ’el-ḥānûn lən^aḥămwō:

3 wayyō’mərû śārê ḇənê-‘ammwōn ləḥānûn haməḵabēḏ dāwîḏ ’eṯ-’āḇîḵā bə‘êneyḵā kî-šāl^aḥ ləḵā mən^aḥămîm hălō’ b^a‘ăḇûr l^aḥəqōr wəlahăfōḵə ûləragēl hā’āreṣ bā’û ‘ăḇāḏāyw ’ēleyḵā: f

4 wayyiqq^aḥ ḥānûn ’eṯ-‘aḇəḏê ḏāwîḏ wayəḡalləḥēm wayyiḵərōṯ ’eṯ-maḏəwêhem b^aḥēṣî ‘aḏ-hammifəśā‘â wayəšalləḥēm:

5 wayyēləḵû wayyagîḏû ləḏāwîḏ ‘al-hā’ănāšîm wayyišəl^aḥ liqərā’ṯām kî-hāyû hā’ănāšîm niḵəlāmîm mə’ōḏ wayyō’mer hammeleḵə šəḇû ḇîrēḥwō ‘aḏ ’ăšer-yəṣamm^aḥ zəqanəḵem wəšaḇətem:

6 wayyirə’û bənê ‘ammwōn kî hiṯəbā’ăšû ‘im-dāwîḏ wayyišəl^aḥ ḥānûn ûḇənê ‘ammwōn ’elef kikar-kesef liśəkōr lâem min-’ăram nahărayim ûmin-’ăram m^a‘ăḵâ ûmiṣṣwōḇâ reḵeḇ ûfārāšîm:

7 wayyiśəkərû lâem šənayim ûšəlōšîm ’elef reḵeḇ wə’eṯ-meleḵə m^a‘ăḵâ wə’eṯ-‘ammwō wayyāḇō’û wayy^aḥănû lifənê mêḏəḇā’ ûḇənê ‘ammwōn ne’esəfû mē‘ārêhem wayyāḇō’û lammiləḥāmâ:³ f

8 wayyišəm^a‘ dāwîḏ wayyišəl^aḥ ’eṯ-ywō’āḇ wə’ēṯ kāl-ṣāḇā’ hagibwōrîm:

9 wayyēṣə’û bənê ‘ammwōn wayy^a‘arəḵû miləḥāmâ peṯ^aḥ hā‘îr wəhamməlāḵîm ’ăšer-bā’û ləḇadām baśśāḏeh:

10 wayyarə’ ywō’āḇ kî-hāyəṯâ fənê-hammiləḥāmâ ’ēlāyw pānîm wə’āḥwōr wayyiḇəḥar mikāl-bāḥûr bəyiśərā’ēl wayy^a‘ărōḵə liqəra’ṯ ’ărām:

11 wə’ēṯ yeṯer hā‘ām nāṯan bəyaḏ ’aḇəšay ’āḥîw wayy^a‘arəḵû liqəra’ṯ bənê ‘ammwōn:

12 wayyō’mer ’im-teḥĕzaq mimmennî ’ărām wəhāyîṯā llî liṯəšû‘â swə’im-bənê ‘ammwōn yeḥezəqû mimməḵā wəhwōš^a‘ətîḵā:

13 ḥăzaq wəniṯəḥazzəqâ bə‘aḏ-‘ammēnû ûḇə‘aḏ ‘ārê ’ĕlōhênû wayhwâ haṭṭwōḇ bə‘ênāyw y^a‘ăśeh:

14 wayyigaš ywō’āḇ wəhā‘ām ’ăšer-‘immwō lifənê ’ărām lammiləḥāmâ wayyānûsû mipānāyw:

15 ûḇənê ‘ammwōn rā’û kî-nās ’ărām wayyānûsû ḡam-hēm mipənê ’aḇəšay ’āḥîw wayyāḇō’û hā‘îrâ wayyāḇō’ ywō’āḇ yərûšālāim: f

16 wayyarə’ ’ărām kî nigəfû lifənê yiśərā’ēl wayyišələḥû malə’āḵîm wayywōṣî’û ’eṯ-’ărām ’ăšer mē‘ēḇer hannâār wəšwōfaḵə śar-ṣəḇā’ hăḏaḏə‘ezer lifənêhem:

17 wayyugaḏ ləḏāwîḏ wayye’ĕsōf ’eṯ-kāl-yiśərā’ēl wayy^a‘ăḇōr hayyarədēn wayyāḇō’ ’ălēhem wayy^a‘ărōḵə ’ălēhem wayy^a‘ărōḵə dāwîḏ liqəra’ṯ ’ărām miləḥāmâ wayyillāḥămû ‘immwō:

18 wayyānās ’ărām millifənê yiśərā’ēl wayyahărōḡ dāwîḏ mē’ărām šiḇə‘aṯ ’ălāfîm reḵeḇ wə’arəbā‘îm ’elef ’îš raḡəlî wə’ēṯ šwōfaḵə śar-haṣṣāḇā’ hēmîṯ:

19 wayyirə’û ‘aḇəḏê hăḏaḏə‘ezer kî nigəfû lifənê yiśərā’ēl wayyašəlîmû ‘im-dāwîḏ wayy^a‘aḇəḏuhû wəlō’-’āḇâ ’ărām ləhwōšî‘a ’eṯ-bənê-‘ammwōn ‘wōḏ: f